प्युठान, जिल्ला अस्पताल विजुवार प्युठानमा अत्यधिक रक्तश्रावका कारण एक जना सुत्केरी महिलाको मृत्यु भएको छ।

सुनिल स्मृति गाउँपालिका बडा नं. २ रोल्पा निवासी २५ बर्षिय नेतृ सिंह सुत्केरी व्यथा लागेर आइतबार राति अस्पताल आएकी थिईन । सोमबार विहान २ बजे सामान्य रुपमा बच्चा जन्माएकी सिंहको अत्यधिक रक्तश्रावका कारण विहान ७ ः१५ बजे निधन भएको जिल्ला अस्पताल विजुवारका सुचना अधिकारी राजन घिमिरेले जानकारी दिए।

बच्चाको स्वास्थ्यमा समस्या आएपछि बच्चाको उपचारको लागि बुटवल पठाईएको छ। रक्तदाताहरुले दिएको रगत चढाउँदा पनि अत्यधिक रक्तश्राव हुँदा निधन भएको अस्पतालले जनाएको छ।

सुत्केरीको अवस्था सामान्य भएता पनि बिलिडिङ डिसअर्डरका कारण मृत्युख भएको उपचारमा संलग्न एमडिजिपि डा. सुनिल सुनारले बताए। कसै कसैमा रगत नजम्ने समस्या आउन सक्छ डा. सुनिलले भने–‘‘ हामीले रगत पनि दियौं तर रगत बग्न रोकिएन।’’ अस्पताल आउदा शरिरमा रगतको मात्रा कम रहेको भन्दै धेरै कोसिस गर्दा पनि बचाउन नसकिएको उहाँले बताउनुभयो।