झुलेनी संवाददाता
मोटरसाइकल दुर्घटनामा परी घाइते भएका स्वर्गद्वारी नगरपालिका ४ भिंङ्गृका एक युवकको मृत्यु भएको छ । शुक्रवार मोटरसाइकल दुर्घटनामा परी ४६ वर्षीय पुनाराम योगी गम्भिर घाइते भएका थिए । भिङ्गृबाट चकचके तर्फ जाँदै गर्दा योगि मोटरसाइकल दुर्घटनामा पर्दा टाउकोमा चोट लागेको थियो ।
बिपरित दिशाबाट आएको मोटरसाइकल योगिले चलाएको मोटरसाइकलसँग ठोक्किदा योगि घाइते भएका थिए । घाइते योगीको प्रादेशिक अस्पताल बुटवलमा उपचारका क्रममा गयराती ज्यान गएको हो । मृतक युवकसँग ठोक्किएको मोटरसाइकल र चालकलाइ प्रहरीले नियन्त्रणमा लिइ अनुसन्धान गरीरहेको इलाका प्रहरी कार्यालय भिंगृले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
