काठ्माण्डौं, नेकपा एमालेको संसदीय दलको बैठकले एम .सि.सि नेपालको हितमा नभएको निश्कर्ष निकालेको छ।
बानेश्वर स्थित संघीय संसद भवनमा बसेको संसदीय दलको बैठकमा सांसदहरुले एम.सि.सि नेपालको हितमा नभएको भन्दै अनुमोदन गर्न नहुने निश्कर्ष निकालेको प्रमुख सचेतक विशाल भट्टराईले जानकारी दिए।
बैठकपछि भट्टराईले भने, ‘सभामुखको भूमिका एमालेविरोधी माओवादी पार्टी कार्यकर्ता जस्तो भएको, एमसीसी मुलुकको हितमा नरहेको, निर्वाचन आयोग एमाले टुक्राउन उद्धत रहेको, जयसिङ धामीको घटनामा सरकारी व्यवहार भारतीयसामु लम्पसारवादी देखिएको जस्ता विषयमा एमाले मूकदर्शक बस्न अवश्य सक्दैन। आजको बैठकको निष्कर्ष यहि हो।’

बैठकमा सांसदहरूले सभामुख अग्नि सापकोटाको भूमिकालाई लिएर चर्को आलोचना गरेका थिए। उनीहरुले संसद्मा सभामुखको राजीनामा माग्नुपर्ने र नमाने महाअभियोग लगाउनुपर्ने धारणा राखेका थिए ।