यसपालि हिउँदमा धेरै वर्षात परेको कारण ग्रामिण क्षेत्रका प्राय सडक बिग्रेका छन् । अन्तका ठाउँमा वर्षाका कारण सडक बिग्रेपनि यहाँ हिउँद वर्षा सधै हिलाम्य हुन्छ। जिल्लाको महत्वपूर्ण र व्यस्त सडक मानिने बाग्दुला–मच्छी–ठुलावेसी सडक खण्ड जहिल्यै हिलाम्य हुन्छ । अर्खा रजवारा र मच्छीबाट गुल्मि समेत यहि सडक खण्डबाट सवारी आउजाउ गर्दछन् ।

यो सडकको अवस्था विकराल र कहालीलाग्दो हुने गरेको वर्षौ बित्यो । मजदुरले चामल ज्यालादारीमा खोलेको यो सडक खण्डा २ दशक बितिसक्दा पनि पक्कि बन्न सकेको छैन । ग्रामीण क्षेत्र भित्रिने जिल्लाकै पुरानो ट्रयाक खोलिएको सडकको रुपमा परिचीत भएपनि यो सडकले स्तरोन्नतीको लागि विकास पाउन सकेन । यो सडक विकासका लागि कहिल्यै सरकार पाएन ।

देशमा कैयौं ब्यवस्था परिवर्तन भए, सरकार परिवर्तन फेरिए तर यो सडकको मुहार फेरिएन । वर्षौदेखि यो सडकको दुर्दशा उस्तै छ । देशमा तीन तहको सरकार बनेर विकासका लागि होडबाजी चलेपनि यो सडकका लागि कसैले पनि होड चलाएनन् । यो सडकको नत हालत फेरियो, नत परिवर्तन र सुधार नै ? स्तरोन्नतीका लागि बजेट त पाएन नै सामान्य खाल्डाखुल्डी पुर्ने गरि मर्मत गर्ने रकम नै पाउन सकेन ।

बाग्दुलादेखि खरीबोट, तोरवाङ, अर्गेली हुँदै मच्छीसम्म दर्जनौ ठाउँमा पानीले भरिएका खाल्डाखुल्डी छन भने कच्ची सडक भएका कारण वर्षा र सितले गर्दा सधै हिलाम्य छ । यो सडकको दुर्दशा गाडीका टायरले देखेपनि गाडीभित्र सवार सरोकारवाला कसैले पनि देख्न सकेका छैनन् ।