News Portal

रेडियो सुन्नुहोस्

सरुमारानी गाउँपालिकामा घरमै गई प्रसुती जाँच

सुजाता थापा क्षेत्री२०७८ फागुन १३, प्युठान
५६४ पटक
२०७८ फागुन १३, प्युठान

सरुमारानी गाउपालिका प्यूठानको आयोजनामा घरमै गई उत्तर प्रसुती जाँच कार्यक्रमको समिक्षा तथा योजना तर्जुमा गोष्ठि सम्पन्न भएको छ । यो कार्यक्रम आ.व. २०७७/७८ देखि नेपालका सबै स्थानिय तहमा संघीय सरकारबाट लागु भएको थियो । सुत्केरी भएको २४ घण्टा भित्र, ३ दिन र ७ दिनमा संस्थागत सुत्केरी तथा घरमै हुने सुत्केरी दुवैलाई यो सेवा दिइदै आएको छ ।

ग्रामीण क्षेत्रमा सुत्केरी भई भौगोलिक समस्या, भर्खरको सुत्करी अवस्थामा घरबाट बाहिर निस्कनु हुदैन भन्ने परम्परागत मान्यता, लगायत विविध कारणले स्वास्थ्य संस्थामा जाँच गर्न आउन नसक्नेहरुका लागि स्वास्थ्यकर्मीबाट घरमै गई उत्तर प्रसुती जाँच गर्ने गरीएको सरुमारानी गाउँपालिका स्वास्थ्य शाखा प्रमुख टेकेन्द्र रायमझीले बताए । उहाँका अनुसार आमा र नवजात शिशुलाई हुन सक्ने जटिलटाहरु समयमै पत्ता लगाई मातृ तथा नवजात शिशु मृत्यु दर घटाउनु यस कार्यक्रमको लक्ष्य रहेको छ ।

समिक्षा कार्यक्रममा गाउँपालिका अन्तर्गत ६ वटै वडामा रहेका सम्पूर्ण स्वास्थ्य संस्थाहरुले प्रदान गरेको उत्तर प्रसुती जाच, सेवा प्रदान गर्दा आई परेका प्रमुख समस्या र यस कार्यक्रमलाई प्रभावकारी रुपमा अगाडि बढाउन सकिने विविध विषयमा छलफल भएको थियो ।

आर्थिक वर्ष २०७८/७९ मा हाल सम्म सरुमारानी गाउँपालिकामा प्रोटोकल अनुसार ३ पटक नै उत्तर प्रसुती जाँच गर्नेहरुको संख्या १ सय ६३ जना रहेका छन् । यस कार्यक्रममा स्वास्थ्यकर्मीले घरमै प्रसुती जाँच गरे बापत प्रोत्साहन रकम पनि गाउँपालिकाबाट प्रदान गरिदै आएको छ ।

कार्यक्रममा गाउपालिका अन्तरगत रहेका ६ वटा स्वास्थ्य संस्थालाई सो सम्बन्धी अत्याबश्यक उपकरण, सामाग्री सहितको झोला समेत प्रदान गरिएको नर्सिङ प्रमुख इच्छा बुढाले बताउनुभयो । कार्यक्रममा सम्पूर्ण स्वास्थ्य संस्थाबाट संस्था प्रमुख तथा PNC home visit मा संलग्न नर्सिङ्ग स्वास्थ्यकर्मी समेतको सहभागिता रहेको थियो ।

प्रतिकृया दिनुहोस्

माण्डवी गाउँपालिकामा महोत्सव लाग्दै

प्यूठानको माण्डवी गाउँपालिका १ त्रिवेणीमा कृषि तथा पर्यटन प्रवद्धनका लागि प्रथम माण्डवी महोत्सव सञ्चालन हुने...

सामुदायिक विपद व्यवस्थापन समितिको क्षमता वृद्धि तालिम प्यूठान नगरपालिकामा

प्यूठान नगरपालिकामा समुदायको अगुवाईमा विपद जोखिम न्युनिकरण परियोजना अन्तर्गत सामुदायिक विपद व्यवस्थापन समितिको क्षमता वृद्धि...

नेपाल नेत्रज्योति संघको २८ औं स्थापना दिवसमा निशुल्क आँखा परीक्षण

नेपाल नेत्रज्योति संघको २८ औं स्थापना दिवसको अवसरमा निशुल्क आँखा परीक्षण गरिएको छ । मंगलबार...

रङ्गहरूको पर्व होली, पहाडी जिल्लाहरूमा हर्षाेउल्लासका साथ मनाइँदै

आज फागु पूर्णिमा अर्थात रङ्गहरूको पर्व होली, पहाडी जिल्लाहरूमा एकआपसमा हर्षाेउल्लासका साथ मनाइँदै छ ।...

डाक्टर महावीर पुन प्यूठानमा

राष्ट्रिय आविष्कार केन्द्रका संचालक वैज्ञानि डाक्टर महावीर पुन प्युठान अएका छन । आफ्नो जिवन काहानी...