News Portal

रेडियो सुन्नुहोस्

भाग्यशाली मोहनबिक्रम धन्न ! गठबन्धनले साख जोगियो

झुलेनी नेटवर्क२०७९ जेठ ३०, प्यूठान
४१३ पटक
२०७९ जेठ ३०, प्यूठान

भर्खरै नेकपा मसालका महामन्त्री मोहनबिक्रम सिंहको युगदर्शनमा एउटा लेख आयो । झिंमरुकमा हाम्रो हार भयो/झिंमरुकमा हाम्रो जित भयो । यो लेख सिंहले स्थानीय तहको निर्वाचनको सन्दर्भ पारेर लेखेका छन् । सिंहको जन्मस्थल झिंमरुक गाउँपालिकामा यसपाली गठबन्धन हुँदा पनि राजमोले पराजय भोग्न परेको छ । तर, सिंह र उनको पार्टीले हारलाई स्वीकारेका छैनन् । त्यो कुरा सिंहले लेख मार्फत बाहिर ल्याएका छन् । झिंमरुक गाउँपालिका हरेक निर्वाचनमा राजमोको किल्ला मानिन्थ्यो ।

यस पटक नेपाली कांग्रेससंग गठबन्धन गर्दा पनि राजमोले पराजय भोग्नपर्यो । यसले पुष्टी गर्दछकी प्यूठानमा राजमो साख गिर्दैछ । राजमो आफ्नै हेडक्वाटर झिंमरुकमा समेत निकै कमजोर बन्दै गएको छ । राजमो कार्यकर्ता निराश नहोउन भनेर सिंहले टालटुल पारेर पार्टी हारेको तथ्यलाई समेत जीतेको भनेर पुष्ट्ई गर्न खोजेका छन् । झिंमरुकमा नेपाली कांग्रेसले उपाध्यक्ष पदमा जितेको छ । त्यसलाई समेत उनले गठबन्धनले जितेको भनेर राजमोको जीत मानेका छन् ।

नेपाली कांग्रेसलाई गाली गरि युगै बिताएका सिहं हिजोआज आफ्नो पार्टीले हार्दा पनि कांग्रेसको जितलाई पार्टीको जित देख्न थालेका छन् । पहिले कांगे्रस माओबादीलाई निकै छिःछिः दूरदूर गर्ने सिंह र उनको पार्टीले यी दुई पार्टीलाई हिजोआज जयजयकार गर्दैछ । कुनै बेला प्यूठानमा निकै बलियो मानिएको नेकपा मसाल खुम्चदै गएर गठबन्धन गरि जिल्लाका ९ वटा स्थानीय तह मध्ये १ वटा स्थानीय तहमा जित हात पार्ने कुरालाई राजमो र उसका नेताहरुले प्यूठानमा गठबन्धन निकै फापेको भनेका छन् ।

गठबन्धनबाट राजमोले मल्लरानी गाउँपालिकामा बल्लबल्ल टेको लाएर जित हात पार्न सकेको छ । यसलाई उनीहरुले कांग्रेस माओबादीसंग गठबन्धन गर्न पाएकोमा भाग्यमानी ठानेका छन् । यस अघिको संघिय सांसदको निर्वाचनमा सिंहकी कान्छी श्रीमती दुर्गा पौडेल बाम गठबन्धनको तर्फबाट संघिय सांसद निर्वाचित भएकी थिइन् । भाग्यमानी सिंह र उनको पार्टी राजमोलाई यहि असार १ गते हुने जिल्ला समोन्वय समितिको निर्वाचनमा पनि ठूलो जित हात लाग्ने भएको छ ।

राजमोको चुनाब चिन्ह गिलास लिएर गठबन्धन मार्फत झिंमरुकमा वडा सदस्य जितेका नेपाली कांग्रेसका नेता धर्मबहादुर जिसी जिल्ला समोन्वय समितिका प्रमुख बन्दै छन् । यस्तै उप प्रमुखमा रुख चिन्ह लिएर स्वर्गद्घारी नगरपालिकामा वडा सदस्य जितेकी माओबादी नेतृ दुर्गा रेग्मी उप प्रमुख बन्दै छिन् । जनताबाट लखेटिएको राजमोलाई भाग्यले भने निकै साथ दिएको छ । अब राजमो खुरुखुरु भाग्यवादलाई सैद्धान्तिक बटमलाइन बनाउदा राम्रै होला भाग्य बारम्बार चम्किदैन है ।

आफ्ना नेताहरुलाई राजमोको तर्फबाट जिल्ला समन्वयमा उम्मेदवारी दर्ता गर्दा कांग्रेस, माओबादीलाई कति पीडा भएको होला ? यति पीडा त २०६४ को निर्वाचनमा हार व्यहोरेका कांग्रेस, एमाले र २०७० को निर्वाचनमा माओबादी पनि भएन होला !

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

    हामिस‌ग जोडिनुहोस।

    समाचार सुचना र मनोरञ्जनका लागी