२०८२ असार २०लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका छन् । प्रदेश सरकारबाट जिल्लामा २ अर्ब बढि रकम विभिन्न योजनाका लागि छुट्टिएको दावि गरे ।
नेपाल पत्रकार महासंघ प्यूठानको आयोजनामा शुक्रबार भएको पत्रकार भेटघाट कार्यक्रममा बोल्दै मन्त्रि थापाले जिल्लाको विकासका लागि सबै पक्षसंग सहकार्य गर्न आफु तयार रहेको बताए ।
जिल्लाका सवै सांसदहरुको पहलमा उक्त बजेट परेको भन्दै मन्त्रि थापाले परेको बजेटलाई परेको भन्नुपर्ने बताए । जिल्लाको मुहार फेर्न आफुले हरसंभव प्रयास गर्ने बताउँदै मन्त्री थापाले पद गौण भएको र पदमा रहेर गर्ने काम मुख्य रहेको बताए ।
निर्माण सम्पन्न हुन बाँकी आयोजनाको विषयमा पत्रकारको प्रश्नमा जवाफ दिदै थापाले निर्माणाधिन योजनाहरु छिटै सम्पन्न हुने बताए ।
नेपाल पत्रकार महासंघ प्यूठानका अध्यक्ष श्रीराम भण्डारीको अध्यक्षतामा भएको कार्यक्रममा प्यूठान नगरपालिकाका उपमेयर देवेन्द्र बर्मा, झिमरुक गाउँपालिकाका उपाध्यक्ष प्रमोद पोख्रेल, भुमि समस्या समाधान आयोगका अध्यक्ष सुवास केसी लगायतको उपस्थिती रहेको थियो । कार्यक्रमको सञ्चालन वासुदेव गिरीले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
