एकिकृत कृषि तथा पशुपंक्षी विकास कार्यालय प्यूठानले चालु आर्थिक वर्षमा सञ्चालित विभिन्न योजनाको अनुगमन गरेको छ ।

जिल्ला समन्वय प्रमुख, प्रमुख जिल्ला अधिकारी, पत्रकार सहितको टोलिले बुधबार योजनाहरुको अनुगमन गरेको हो ।

प्यूठान नगरपालिका वडा नं. ९ कोल्छापमा लक्षित समुदाय विशेष आयआर्जन कार्यक्रम, प्यूठान नगरपालिका वडा नं. ७ मा निर्माण गरिएको ईसान एग्रो फर्मको सिचाई कुलो र माण्डवी गाउँपालिका वडा नं. ५ मा सञ्चालित पार्थुङ्गा बाख्रा फर्मको अनुगमन गरिएको कार्यालय प्रमुख विनोद शर्माले बताए ।

कोल्छपमा लक्षीत समुदाय विशेष आयआर्जन कार्यक्रम अन्तरगत १० लाख बजेटबाट कुखुरापालन सम्वन्धी तालिम , खोर निर्माण , दाना, औषधी तथा सामाग्री सहित उन्नत जातको कुखुरा खरिद गरिएको छ । ईसान एग्रो फर्ममा १ लाख २० हजार कार्यालयको लागतमा ८० मिटर कुलो निर्माण भएको छ । भने, पार्थुगां बाख्रा फर्मले कार्यालयको १ लाख लागतमा नस्ल सुधार अन्तरगत बोयरबोका खरिद, तारजालीको काम गरिएको छ । योजनाहरुमा कृषकको पनि लागत सहभागिता रहेको छ ।