दुर्घटनाको जोखिम कम गर्न ट्राफिक प्रहरीले छड्के चेकजाचँ गर्दै आएको छ । पछिल्लो समय जिल्लामा दुर्घटनाको जोखिम बढ्दै गएको भन्दै प्यूठान नगरपालिका ४ स्थित विजुवार भौकामा छड्के चेकजाचँ गर्न थालिएको हो ।
जुर्मी, विजुवार क्षेत्रमा दैनिक सयौको संख्यामा सवारीसाधन ओहोरदोहोर गर्छन् । साघुरो बाटो, बजार क्षेत्रमा बढी भिडभाड हुनुका साथै दिनप्रति दिन दुर्घटनाको जोखिम बढ्दै गएकाले नियमित छड्के चेकजाचँ गर्न थालिएको प्रहरी जवान गणेश खत्रीले बताए । दैनिक २५ जनाको हारहारीमा सवारीचालकहरु कारबाहीमा परेको प्रहरीले बताएको छ ।
सरदरमा दैनिक ८ हजार राजश्व संकलन भईरहेको प्रहरीले जनाएको छ ।