झुलेनी पोष्ट२०७९ भदौ १, प्यूठान
२०७९ भदौ १, प्यूठाननौबहिनी गाउँपालिकाले बहाने दुर्घटनामा ज्यान गुमाएका परिवारलाई राहत उपलब्ध गराएको छ । गाउँपालिकाले प्रतिपरिवार रु १० हजारका दरले मृतकका परिवारलाई राहत उपलब्ध गराएको पालिका अध्यक्ष दिल बहादुर थापाले जानकारी दिए ।
गत साउन २९ गते आइतबारका दिन बाग्दुलाबाट डाम्री जादै गरेको लु १ ज १५४५ जीप बहानेमा दुर्घटना हुदाँ नौबहिनी ५ डामृका जिप चालक २५ बर्षिय लुकेश थापा, सोही ठाउँ निवासी रेमसरा बुढा मगरका २५ दिने शिशु चेतना बुढा र ४ बर्षिया करुणा बुढा मगर प्यूठान अस्पतालमा उपचारका क्रममा मृत्यु भएको थियो ।
सो मृतकका परिवालाई नौबहिनी गाउपालिका अध्यक्ष दिल बहादुर थापा र प्रमुख प्रशासकिय अधिकृत शिवराज पौडेलले बुधबार मृतकको घरमै पुगेर कृया खर्च स्वरुप रु १० हजार नगद प्रदान गरेका हुन् ।
