झुलेनी पाेष्ट२०७९ भदौ ७, प्यूठान
२०७९ भदौ ७, प्यूठाननेपाल बन्दको प्रभाव प्यूठानमा पनि परेको छ ।
जिल्लामा बिहानैदेखी लामो तथा छोटो दुरिका सवारी साधनहरु ठप्प रहेका छन् । साथै बजार क्षेत्रका पसलहरु, विद्यालय तथा क्याम्पसहरु वन्द रहेका छन् ।
नेपाल बन्द सफल पार्नका लागि नेत्रविक्रम चन्द विप्लव नेतृत्वको नेपाल कम्युनिष्ट पार्टीले हिजो राती ८ बजे बिजुवार, जुर्मी बजार क्षेत्रमा नाराबाजी गरेका थिए ।
नेपाल सरकार .र नेपाल कम्युनिष्ट पार्टीबीच ३ बुदे सहमति कार्यान्वयन, एमसीसी तथा एसपीपी खारेज लगाएतका विभिन्न माग राख्दै मंगलबार चार पार्टीले नेपाल बन्द गराएका हुन् ।
नेत्रविक्रम चन्द विप्लव नेतृत्वको नेपाल कम्युनिष्ट पार्टी, नेपाल कम्युनिष्ट पार्टी, वैज्ञानिक समाजवादी पार्टी नेपाल र नेकपा माओवादी साजवादी पार्टीले नेपाल वन्द गरेका हुन् ।
