बिबश जि.एम
प्युठानको झिमरुक गाउँपालिका ६ र ७ जोड्ने साहु खुट्टे सिमलचौर झोलुङ्गे पुल निर्माण सम्पन्न भएको छ । केन्द्र सरकारबाट प्राप्त भएको बजेट ४५ लाख ७४ हजार चार सय ६८ रुपैया ९४ पैसामा पुल निर्माण भएको छ ।
२०७९ पुष १७ गते उपभोक्ता समिति सँग सम्झौता भएपछि २०७९ माघ २९ देखी सो काम सुरु भएको थियो । पुल निर्माण सुरु भएको ७ महिनापछि २०८० भदौ ५ गते निर्माण कार्य सम्पन्न भएको उपभोक्ता समितिका अध्यक्ष नारायण श्रेष्ठले जानकारी दिए । उक्त पुलको बिहिबार आज उद्घाटन गरिएको छ ।
पुल निर्माण भइसकेपछि अर्गेली, नेपाने, चिसावाङ्ग, रातटारी, छाटिपाटा लगायतका स्थानीयलाई आवतजावतमा सहज भएको झिमरुक गाउँपालिका ६ का वडा अध्यक्ष धन बहादुर पुन मगरले जानकारी दिए । उक्त पुलको लम्बाई १०० मिटर रहेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
