२०८० भदौ १नागरिकता नपाएर अनागरिक बनेका साङले गाईनले नागरिकता पाएका छन् । ऐरावती गाउँपालिका ५ सिदुंरे डाडाँ स्थित साङले गाईनले ४१ बर्ष पछि नागरिकता पाएका हुन् ।
बुबा हिरे गाईन र आमा गफुली गाईनका छोरा साङले यसअघि नागरिकता बिहिन थिए । सानो उमेरमै बुबाआमाको मृत्यु भएको र कामको शिलशिलामा भारतमा बस्दै आएका गाईनले बिहिबार वडाध्यक्ष चन्द्र बहादुर रोकाको सनाखतामा नागरिकता पाएका हुन ।
उनको तीन पुस्तासम्म पनि कोही आफन्त नभएपछि आफ्नै सनाखतमा नागरिकता उपलब्ध गराएको हुँ वडाध्यक्ष रोकाले भने, ‘नेपाली नागरिक भईसकेपछि नागरिकता पाउनुपर्छ भन्ने सोचका साथ सबैको सहयोगमा मेरो हस्ताक्षरबाट नागरिकता बनेको छ ।” सहयोग गर्ने वडाका कर्मचारी, अस्थायी प्रहरी पोस्ट कैरनका सुरक्षाकर्मीहरु, साक्षी बसेर सहयोग गर्ने स्थानीय, जिल्ला प्रशासन कार्यालय प्यूठान लगायत सबैलाई वडाध्यक्ष रोकाले धन्यवाद दिए ।
साथै नागरिकता पाएपछि साङले गाईन पनि खुसी भएको उनले बताए ।
