गौमुखी गाउँपालिकामा भएको स्वास्थ्य शिविरमा २ सय बढिले स्वास्थ्य सेवा लिएका छन् । बिहिबार गौमुखी गाउँपालिकाको आयोजनामा भएको स्वास्थ्य शिविरमा १ सय १२ जना मानसिक रोग तथा अन्य १ सय १८ गरि जम्मा २ सय ३० जनाले स्वास्थ्य शिविरबाट सेवा लिएको गौमुखी गाउँपालिका स्वास्थ्य शाखाले जानकारी दिएको छ ।

गाउँपालिकामा धेरै जसो मानसिक रोग भएका व्यक्तिहरु भएको हुँदा त्यसैलाई मध्यनजर गरी शिविरको आयोजना गरिएको स्वास्थ्य शाखा संयोजक हरिप्रसाद जैसीले जानकारी दिए । उनका अनुसार शिविरबाट जिल्ला बाहिर रेफर गर्नको लागि जटिल अवस्था भएका मनरोगका ७ जना व्यक्तिहरुलाई पहिचान गरिएको छ । यस अघि २ जना मनरोगका विरामीहरुलाई जिल्ला बाहिर रेफर गरी उपचार गराइएको पनि संयोजक जैसीले जानकारी दिए ।

गौमुखी गाउँपालिकाको आयोजना, मानसिक रोग अस्पताल लगनखेल काठमाडौं, प्यूठान अस्पतालको प्राबिधि सहयोग तथा स्वास्थ्य कार्यालय प्यूठानको समन्वयमा शिविर कार्यक्रम भएको हो ।