शशिधर भण्डारी२०८१ मङ्सिर ७
२०८१ मङ्सिर ७प्युठानको बाग्दुला–मच्छी सडक खण्ड स्तरोन्नति थालिएको छ ।
बुधवारदेखि दैनिक ११ घण्टा सडक बन्द गरेरै स्तरोन्नति गर्न लागिएको छ ।
२३ दिनसम्म ११ घण्टा सडक बन्द गरेर काम गरिने भएको हो ।
सडक स्तरोन्नतिका लागि सडक डिभिजन कार्यालय प्युठानले सूचना जारी गरेर सडक अवरुद्ध हुने जनाएको छ ।
कार्यालयका सिनियर डिभिजनल इन्जिनियर बिसुन दास लामाका अनुसार बाग्दुला–मच्छी क्षेत्रमा आउँदो मङ्सिर २८ गतेसम्म दिनहुँ बिहान ५ बजेदेखि ९ बजे सम्म,बिहान ११:३० बजेदेखि दिउसो २ बजे सम्म र बेलुका ४:३० देखि अर्को दिन बिहान ९ बजेसम्म सडक बन्द रहने छ ।
५७ लाख ५ हजार ९ सय ६१ रुपैयाँ लागतमा सिराफ विल्डर्स एण्ड सप्प्लायर्स भक्तपुरले ठेक्का प्रक्रियाद्वारा काम थालेको हो । जसअन्तर्गत सडक खण्डको साँघुरो, अप्ठ्यारो बाटो र घुम्तीलाई फराकिलो बनाउने स्टिमेट रहेको कार्यालयले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
