लागुअौषध चरेससहित प्यूठानका एकजना पक्राउ परेका छन्।
गौमुखी गाउँपालिका वर्डा न ३ रजवाराका बलराम पुन चरेस ओसारपोसार गरिरहेकै अवस्थामा प्रक्राउ परेका हुन। अन्य ३ जना फरार रहेका छन्।

प्रदेश नम्वर ५ प्रहरी कार्यालय तुल्सीपुर व्यूरोबाट खटेको टोलीले बुधवार विहान उनलाई बाटोमै प्रक्राउ गरेको हो ।

बोरामा चरेस बोकेर झरिरहेको अवस्थामा पुनलाई प्रक्राउ गरिएको प्रहरी निरिक्षक प्रमोद क्षेत्रीले जानकारी दिए। ‘विशेष सुराकीका आधारमा प्रक्राउ गरेका हौँ’,क्षेत्रीले भने,‘प्रक्राउ परेका पुनलाई प्रहरी चौकी मच्छिमा जिम्मा लगाएर फर्कियौँ ।’

पुनलाई गौमुखि र मदाने गाउपालीकाको सिमाक्षेत्रवाट प्रहरिले पक्राउ गरेको थियो। रजवारावाट गाउंपालीका केन्द्र पुग्न मदानेको अग्लुङ भएर जानुपर्दछ।

औषध (नियन्त्रण) ऐन २०३३ को दफा १४ (घ) को उपदफा ५ अनुसार लागुअौषध ओसारपोसार गर्ने त्यस प्रकृतिको मुद्घामा २ देखि १० वर्षसम्म कैद र १५ हजारदेखि एकलाख रुपैँयासम्म जरिवाना हुनसक्ने अधिवक्ता डा.शिवराज पण्डितले बताए ।