प्रधानमन्त्री के.पि शर्मा ओलीले लकडाउनलाई अझै प्रभावकारी बनाउन निर्देशन दिनुभएको छ।
उहाँले अत्यावश्यक बाहेकका अन्यलाई आवतजावतमा पुर्ण रुपमा बन्द गर्ने बताउनुभयो भएको हो। बालुवाटारमा मन्त्रीहरुलाई बोलाएर कोरोनाको पछिल्लो अवस्थाको बिषयमा छलफल गर्नुभएको हो।
बैठकमा पछिल्लो समय हिडेरै मानिसहरु गाउँ जाने क्रम बढेपछि बैठकमा कोरोना सम्बन्धी उच्च स्तरीय समितिले प्रदेश र स्थानिय सरकारसँग समन्वय गरेर सिधै गाउँ लैजाने वा यहि रोक्ने विकल्प पेश गरेको बताईएको छ। तर प्रधानमन्त्री ओलीले लकडाउनलाई प्रभावित हुने गरि उदारता देखाउन नहुने बताउनुभएको छ।
उहाँले कोभिड १९ सम्बन्धी उच्च स्तरीय समितिलाई यदि खान नपाएरै मजदुरहरु घर जान लागेको हो भने जहाँ बसेका छन् त्यहि नै खाना बस्न पुर्याउन व्यवस्था गर्न निर्देशन दिनुभएको हो।
उहाँले स्थानिय सरकार संग समन्वय गर्न र सम्बन्धीत जिल्लाका सांसदहरुको सहयोग लिन उच्चस्तरीय समन्वय समितिलाई निर्देशन दिनुभएको हो।