११ पुष प्यूठानप्यूठान नगरपालीकाले हरेक वडावाट अनलाईन प्रणालिवाटै राजश्व संकलनको सुरुवात गरेको छ।
नागरिकको सहजताका लागी हरेक वडावाटै अनलाईन प्रणालीवाट आर्थिक संकलन सुरुवात गरिएको प्यूठान नगरपालीकाका मेयर अर्जुनकुमार कक्षपतीले वताउनु भयो। उहाँका अनुसार अव सम्पत्ती कर लगायत नगरपालीकामा पुगेर गर्नुपर्ने भुक्तानी सेवाग्राहिले वडा कार्यालयवाटै गर्न सक्नेछन्। उहाँले भन्नुभयो –“नागरिकको सेवा सुविधालाई ध्यानमा राखेर वडा कार्यालयहरुमा पनि अनलाईन प्रणालीवाट कारोवार सुरु भएको छ। यस्ले राजश्व तथा कर वुझाउन सेवाग्राहिले नगरपालीका धाउनुपर्ने वाध्यताको अन्त्य हुनेछ भने कार्यसम्पादन पनि व्यवस्थित हुनेछ।”
हालसम्म हस्तलिखित रसिद काटेर वुझ्ने गरिएकोमा सवै कारोवारहरु अनलाईन प्रणालिवाट हुने भएपछी नागरिकले सहज रुपमा वडा कार्यालयवाट सेवा सुविधा प्राप्त गर्नुका साथै कार्यसम्पादन पनि सहज हुने प्यूठान नगरपालीका वर्डा नं १ का वर्डाअध्यक्ष रमेश आचार्यले वताउनु भयो।
हरेक वडाका वडासचिवलाई अनलाईन प्रणालीसम्वन्धी सिप प्रदान गरि कार्यआरम्भ गरिएको प्यूठान नगरपालीका राजश्व उपशाखामा कार्यरत रामकृष्ण शर्माले वताउनु भयो।
