लुम्विनी प्रदेशका मुख्यमन्त्री शंकर पोख्रेलले प्यूठान नगरपालीका ४ र मल्लरानी गाउँपालीका ४ जोडने असारेवोट झोलुंगेपुलको उद्घाटन गर्नुभएको छ। प्रदेश सरकारकारवाट निर्मित उक्त पुलको आज भौतिक पुर्वाधारमन्त्री वैजनाथ चौधरी, प्रदेशसभा सदस्य हरिप्रसाद रिजाल, मन्त्रालयका सचिव लगायतको उपस्थितीमा मुख्यमन्त्रीले उक्त पुलको उद्घाटन गर्नुभएको हो।

लुम्विनी प्रदेश भौतिक पुर्वाधार विकाश मन्त्रालय अन्तरगन सडक पुर्वधार विकास कार्यालय रोल्पामार्फत निर्मित उक्त पुल उद्घाटन गर्दै मुख्यमन्त्री पोख्रेलले प्रदेश सरकारले रणनितिक महत्वका गौरवका आयोजनाहरु जनताको प्रत्यक्ष सहभागीतामा अगाडी वढाईरहेको र त्यसले जनताको जनजिवनमा प्रत्यक्ष सकारात्मक प्रभाव पार्ने अपेक्षा रहेको वताउनु भयो। नेपाली राजनितीमा देखिएको वर्तमान समस्याले आम जनतालाई निरास वनाएपनी व्यक्तिगत स्वार्थ, कुण्ठा, महत्वकांक्षा र अवसरकेन्द्रित झुण्डका विरुद्धमा जनताले आगामी निर्वाचनवाट आफ्नो मत राख्ने वताउनु भयो। २ सय १५ मिटर लम्वाई रहेको झोलुँगे पुलवाट पाण्डेडाडा, थापडाडा लगायतका क्षेत्रका नागरिकहरु प्रत्यक्ष लावान्वित भएको भन्दै प्यूठान नगरपालीकाका नगरप्रमुख अर्जुनकुमार कक्षपतीले प्रदेश सरकारलाई धन्यवाद दिनुभयो।

मल्लरानी गाँउपालीकाका अध्यक्ष अमरध्वज रानाले उक्त झोर्लुगेपुल निर्माले स्थानिय जनताको जनजिवनमा प्रत्यक्ष सहजता ल्याएको साथै यस क्षेत्रको नदी नियन्त्रण हुन सकेमा त्यसले कृषी क्षेत्रमा थप टेवा पुग्ने वताउनु भयो।