आफ्नो ब्यक्तिगत सम्बन्ध र नेतासँग भनसुन गरी प्रहरीमा भर्ति गराएको दाबि गर्ने प्यूठानका एक युवक पक्राउ परेका छन् । गृहमन्त्री बालकृष्ण खाँणलाई भनेर प्रहरीमा नाम निकालिदिएको दाबी गर्ने नेपाल विद्यार्थी संघमा आवद्द ऐरावती गाउँपालिका–१ दाङबाङ निवासि नरेन्द्र गुरुङ शनिवार पक्राउ परेका हुन ।

गुरुङले आफ्नो व्यक्तिगत पहल र नेपाली कांग्रेस प्यूठानका उपसभापति बद्री लम्साल समेतको सिफारिसमा प्युठानका ४१ जनाले प्रहरीमा नाम निकाल्न सफल भएको भन्दै सामाजिक सञ्जालमा पोष्ट गरेका थिए । समाजिक सञ्जालमा गुरुङले नाम निकाल्नका सहयोग गरेको भन्दै गृहमन्त्री बालकृष्ण खाँणलाई ‘धन्यवाद’ दिँदै नाम निकाल्नेहरूको सूची समेत पोष्ट गरेका थिए । गुरुङलाई प्युठान नगरपालिका–१ स्थित जुम्रीबाट पक्राउ गरी आवश्यक अनुसन्धान थालिएको प्यूठान प्रहरी प्रमुख डिएसपी शुनिल मल्लले जानकारी दिए ।

सामाजिक सञ्जालमा यस्तो पोस्ट गरेपछी धेरैले आलोचना गरेका थिए । अहिले यो पोस्ट फालिएको छ । यस्तो थियो उनको पोस्ट ।