खेतमा पाकेर भित्र्याउने बेला भएको धान बालीमा वर्षाले क्षति पुर्याएको छ । पाकेको धान बालिमा क्षति पुगेपछि जिल्लाका किसान चिन्तित भएका छन् । गएरातिदेखि लगातारको वर्षाले पाकेको धानलाई झार्नुका साथै बोट समेत ढलेका छन् । धान झाटेर ट्याक्टरमा ओसार्ने तयारिमा बोरामा राखेको धानमा समेत क्षति पुगेको छ । झाट्नका लागि खर्याइ बनाएको धानमा पनि वर्षाले क्षति पुर्याएको हो ।

खेतका गराभरि पानी जम्मा हुदा धानमा क्षति भएको हो । भित्र्याउने समयमा पानीले क्षति पुर्याइ दिएपछि आफुहरु मर्कामा परेको गौमुखि गाउँपालिकाका किसान रुमानसिंह कुवरले बताए । ‘धानको बोट ठाडो एउटा पनि छैन, सबै ढलेको छ, खेतैभरि पानी जम्मा भएको छ’, उनले भने, ‘२/४ दिनमै काटेर थन्क्याउने बेलाको धान पानीले सखाप पारिदियो ।’

वर्षाले झिमरूक फाटसहित जिल्लाको झिमरूक गाउपालिका, गौमुखि गाउपालिका, माण्डवि गाउपालिका, ऐरावति गाउपालिका लगायतका ठाउमा धान खेतमा क्षति पुर्याएको खवर छ ।