झुलेनी नेटवर्क २०८२ साउन २५ गते
२०८२ साउन २५ गते बिजय फूलबारी बचत तथा ऋण सहकारीले सदस्यहरुको दुर्घटना बीमा गरेको छ । संस्थामा आबद्ध ५ हजार ८ सय सदस्यहरुको दुर्घटना बीमा गरेको संस्थाका व्यवस्थापक प्रकाश वैद्यले जानकारी दिए ।
स्वीकृत कार्यक्रम अनुसार संस्थामा आबद्ध सबै सदस्यहरुको १ लाख बराबरको दुर्घटना बीमा गरेको उनले बताए । सदस्यहरुको दुर्घटनाका कारण हुन सक्ने जोखिम कम गर्नका लागि दुर्घटना बीमाको कार्यक्रम ल्याएको संस्थाका अध्यक्ष नेत्रमणि आचार्यले जानकारी दिए ।
कार्यक्रमले दुर्घटनामा परेर उपचार गर्न समस्या हुने अवस्थाका सदस्यहरुलाई लाभ पुग्ने अपेक्षा गरिएको छ ।
सदस्यको निधन भएको अवस्थामा २५ हजार, सुत्केरी भेटघाट, घाट खर्च सहयोग, औषधि उपचार, ऋण सहुलियत, अस्पतालमा छुट, लघुबित्त कार्यक्रम, विभिन्न उत्पादनमुलक ऋण सेवा, बचत संकलन जस्ता कार्यक्रमहरु सञ्चालन गर्दै आएको फूलबारीले यस बर्ष दुर्घटना बीमाको नयाँ कार्यक्रम ल्याएको हो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
