२०७९ जेठ २९, प्यूठान४ दिने अनलाईन पत्रकारिता शनिवार अर्घाखाँचीकाे शितगंगा नगरपालिका ८ सातमारा भालुवाङ्गमा सम्पन्न भएकाे छ । नेपाल पत्रकार महासंघ लुम्बिनी प्रदेश अध्यक्ष वसन्त गिरी समापन कार्यक्रममा बाेल्दै साे तालिम प्रदेशमै पहिलाे रहेकाे बताए । अनलाईन पत्रकारितालाई जिम्मेवार सन्चारकाे माध्यमकाे रुपमा विकासमा ध्यान दिनु आवस्यक रहेकाे उनकाे भनाइ छ ।
बुधबार देखि लुम्बिनी प्रदेशको स्थायी राजधानी भालुवाङ्गमा आन्तरिक मामिला तथा सन्चार मन्त्रालयकाे आयाेजना र नेपाल पत्रकार महासँघ लुम्बिनी प्रदेशकाे समन्वयमा शुरु भएकाे चार दिने अनलाईन पत्रकारिता तालिमको समापनमा बोल्दै आन्तरिक मामिला तथा सञ्चार मन्त्रालय लुम्बिनी प्रदेशकी कानुन अधिकृत सीता घिमिरेले अनलाईन मिडिया आजकाे आवस्यकता भएकाे तर जिम्मेवार हुन नसकेको बताउँदै अनलाईन मिडियालाई जिम्मेवार र विश्वसनिय बनाउने काममा नेपाल पत्रकार महासँघ लाग्नुपर्ने बताइन ।
कार्यक्रममा मन्तव्य राख्दै प्रशिक्षक रविराज बरालले अनलाईनमा के लेख्ने र कसका लागि लेख्ने याे मुद्दा प्रमुख रहेकाले मुलत: समुदायमा केन्द्रित समाचारहरुलाई प्राथमिकता दिन अनलाईन पत्रकारहरुलाई आग्रह गरेका हुन । यस्तै प्रशिक्षक मनोज सत्यालले अनलाइन पत्रकारलाई चार दिने तालिमले थप उत्प्रेरणा र थप उर्जा मिल्नेमा आफू विश्वस्त रहेको बताए ।
साे कार्यक्रम अनलाईन सम्बन्धी भएकाेले विभिन्न प्रविधिकाेलाई प्रयाेग, भिडियाे इडिटिङ्ग तथा साे सम्बन्धी विभिन्न फिचरहरु प्रयाेग गर्ने बारेमा जानकारी गराइएकाे थियाे ।
जेठ २५ देखि २८ सम्म सञ्चालन भएको तालिमको बुधबार नेपाल पत्रकार महासंघका केन्द्रिय सदस्य सुशील पोख्रेलले उद्घाटन गरेका थिए । उक्त तालिममा लुम्बिनी प्रदेशका बाह्र जिल्लाका पत्रकारहरुकाे सहभागी रहेको थियो ।
नेपाल पत्रकार महासंघ लुम्बिनी प्रदेश अध्यक्ष वसन्त गिरीको अध्यक्षतामा, उपाध्यक्ष चुमा आचार्यको स्वागत र महासचिव विक्रम खड्काको सञ्चालनमा हाेटेल इभरल्याण्डमा सम्पन्न भएको हाे ।
