प्यूठानमा कोरोना संक्रमण तिव्र गतिमा बढ्दै गएको छ । जिल्लामा आज एकैदन १९ जनामा कोरोना संक्रमण पुष्टि भएको छ । स्वास्थ्य कार्यालय प्यूठानका अनुसार आईतबार गरिएको एण्टिजेन परिक्षणका क्रममा १९ जनामा कोरोना संक्रमण पुष्टि भएको हो । यो सगैँ जिल्लामा आज दिन सम्म सक्रिय संक्रमितको संख्या ८८ जना पुगेको छ ।
त्यस्तै आज ६ थप जना कोरोना संक्रमित निको भएका छन् । जिल्लामा दिनप्रति दिन कोरोना संक्रमण तिव्र गतिमा फैलिरहेको भन्दै स्वास्थ्य सावधानी एवम् सतर्कता अपनाउन स्वास्थ्यकमीहरुले आग्रह गरेका छन् । संक्रमितहरु मध्ये एक जनाको स्वास्थ्य संस्थामा उपचार भैरहेको छ भने बाँकी होम आईसोलेसनमा उपचारत छन् ।