माण्डवी गाउँपालिका वडा नं. २ मर्कावाङ, गाउँपालिकामा सबै भन्दा धेरै टमाटर उत्पादन हुने वडाको रुपमा चिनिन्छ । पछिल्लो समय यहाँका अधिंकाश कृषकहरु टमाटर उत्पादनमा लागेका छन् ।
गाउँमा स्मार्ट कृषि योजना भित्रिएसगँै यहाँका कृषक टमाटरखेती तर्फ अझ उत्साहित भएका हुन् । त्यहाँका कृषकहरुले करिब डेढ दशक भन्दा पहिलेदेखी मासिक हजारौ कुईण्टलको परिमाणमा टमाटर उत्पादन गर्दै आईरहेका छन् । मर्कावाङ वडा अन्तर्गत धन्चौर, रातापानी, गोलवाङ, पुकरुक, काभ्रे लगाएत अधिकाशं गाउँका कृषकहरु टमाटर खेतीमा लागेमा छन् । स्मार्ट कृषि कार्यक्रम वडामा लागु भएको करिब १ वर्ष पुग्यो ।
प्रदेश सरकारले ल्याएको स्मार्ट कृषि गाउँ कार्यक्रममार्फत प्रत्येक कृषकको घर घरमा स्मार्ट पोखरी निमार्ण गरिएको माण्डवी गाउँपालिका वडा नं.२ का वडा अध्यक्ष प्रकास वलीले बताए ।
स्मार्ट कृषि कार्यक्रम मार्फत वडाका कृषकहरुले क्यारेट, टनेल, लगाएतका कृषि सामाग्री पाएका छन् ।
वडामा स्मार्ट कृषि कार्यक्रम लागु भएतापनि त्यहाँका कृषकहरुलाई बजारीकरणका साथै बाटोको समस्या भने रहदै आएको छ । वडाका वस्ती वस्तीमा मोटरबाटो पुगेता पनि ग्रामिण क्षेत्रमा भिरालो जमिन भएका कारण टमाटर बिक्री गर्नका लागि ज्याननै जोखिममा पारेर बजारसम्म पुर्याउनुपर्ने बाध्यता छ । उक्त समस्यालाई मध्यनजर गर्दै वडाले वस्तीस्तरमा सडक सुधार गरि कृषि एम्बुलेन्स परिक्षण गर्ने भएको छ ।
यसै वर्ष देखी लागु हुने गरि वडाले थौरै मात्रामा कृषि एम्बुलेन्स परिक्षणका लागि ५ लाख रुपैया बजेट विनियोजन गरेको अध्यक्ष वलीले बताए । त्यस्तै उक्त वडामा स्मार्ट कृषि गाउँ कार्यक्रमका लागि प्रदेश सरकार र गाउँपालिकाबाट ३०।३० लाखको बजेट छुट्टाइएको छ ।
साथै उनले वडाले खानेपानी, सडक, सिचाइँ कुलो लगाएतका विषयलाई पहिलो प्राथमिकता राखेर काम गर्न थालेको बताए ।