प्यूठानमा जीप दुर्घटना हुदा ४ जना घाइते भएका छन । जिल्ला प्रहरी कार्यालय प्यूठानका अनुसार मंगलबार दिउसो करिब १ बजे दाङ देखि रोल्पा जादै गरेको रा १ च ६१३ नं.को जिप स्वर्गद्धारी नगरपालिका ४ गोठिँबाङमा दुर्घटना भएको हो ।
दुर्घटनामा घाइते हुनेमा रोल्पाको सुनिलस्मृति गाउँपालिका १ घोडागाँउ बस्ने बर्ष ४२ कि गेमला सेनको अबस्था गम्भिर रहेको प्रहरीले बताएको छ । उनको टाउको, मुख र हातमा चोट लागेको छ ।
त्यस्तै सोही ठाउ बस्ने बर्ष ८ कि शोधारा शाह, दाङ ,घोराही उपमहानगपालिका १५ दिपसिकानगर बस्ने बर्ष ४९ कि रारा पुन र सोहि ठाउका बर्ष ४३ कि उमा शाह रहेका छन । त्यस्तै दुर्घटनामा घाइते रारा पुनको अवस्था पनि गम्भिर रहेको प्रहरीले बताएको छ ।
घाइते ४ जना मध्ये ३ जनालाई भिंग्रीमा सामान्य उपचार प्रश्चात थप उपचारका लागि हेलिकप्टर मार्फत काठमाण्डौ स्थित ग्रयाण्डी हस्पिटलमा रिफर गरिएको छ ।

गाडी चालक दाङ ,घोराही उपमहानगपालिका १३ का बर्ष ४४ का डम्मर मल्ल र गाडी प्रहरीको नियन्त्रणमा रहेका छन् । गाडीको ब्रेक फेल भई दुर्घटना भएको चालकले बताएको प्रहरीको भनाई छ ।