माण्डवी गाउँपालिका वडा नं.१ तिराम थक्लेनीस्थित नेपाल राष्ट्रिय प्राथामिक विद्यालय भवनको शिलान्यास गरिएको छ । शुक्रबार गाउँपालिका अध्यक्ष नमराज अधिकारीले नेपाल राष्ट्रिय प्राथामिक विद्यालय थक्लेनीमा बन्न लागेको चारकोठे भवनको शिलान्यास गरेका हुन् । राष्ट्रपति शैक्षिक सुधार कार्यक्रम मार्फत करिब ५० लाखको लागतमा भवन निमार्ण कार्य हुदैँछ ।
गाउँपालिकाले पहिलो चरणमा जनताका आधारभुत आवाश्यताका पक्षहरु शिक्षा, स्वास्थ्य लगाएतका विषयमा केन्द्रित रहेर काम गर्ने जनाएको छ । आउँदो असार सम्ममा भवन निमार्ण सम्पन्न गरिने गाउँपालिका प्रमुख प्रशासकीय अधिकृत प्रकाश पाण्डेले जानकारी दिए । शिलान्यास कार्यक्रममा गाउँपालिका उपाध्यक्ष पुर्ण प्रसाद कालाथोकी, गाउँपालिका इन्जिनियर हेमराज बस्नेत लगायतको उपस्थिती रहेको थियो ।