रोल्पाको धार्मिक एवं पर्यटकिय स्थल गढिलेकमा गणेश मन्दिर स्थापना गरिएको छ । रोल्पाको रुन्टिगढी गाउँपालिका वडा नं ९ निवासी भुमिसरा वलीडाँगिद्धारा आफ्ना दिवंगत ससुरा प्रेम बहादुर डाँगीको सम्झनामा करिव २ लाख ४० हजार रुपैयाँको लागतमा निर्माण गरिएको उक्त गणेश मन्दिरको एक कार्यक्रमका बिच बुधबार उद्घाटन गरिएको छ ।

सुकबिर घर्तिको स्वागत मन्तव्यबाट शुरू भएको कार्यक्रमको प्रमुख अतिथि जिल्ला समन्वय समिति रोल्पाका उपप्रमुख विमला बुढाथापा थिइन् ।

सो अवसरमा स्वर्गद्वारी प्रभुमहाराजको तपोभूमि रुन्टिलेकमा आइपुगेका भक्तजनहरुले गणेश मन्दिर, शिवालय मन्दिर लगाएत बाइसे चौविसे राज्यका बेला निर्माण गरिएको दरबारका अवषेशहरु समेत अवलोकन गरेका थिए ।

लक्षिराम थापाले संचालन गरेको मन्दिर उद्घाटन कार्यक्रममा बोल्ने बक्ताहरुले सांस्कृतिक र ऐतिहासिक दृष्टिकोणले निकै महत्व बोकेको रोल्पाको गढीलेकमा पर्यटन भित्र्याउन सबै सरोकारवालाहरु गम्भीर रहनु पर्नेमा जोड दिए ।