धरमपानी स्वास्थ्य चौकिमा २१ जना गर्भवती महिलाले भिडियो एक्स–रे गराएका छन् । मल्लरानी गाउँपालिका ३ स्थित धरमपानी स्वास्थ्य चौकीको आयोजना तथा प्यूठान अस्पतालको प्राबिधिक सहयोगमा सोमबार एक दिने गर्भवती महिलाका लागि निःशुल्क भिडियो एक्स–रे शिविर आयोजना गरिएको थियो ।

उक्त शिविरमा २१ जना गर्भवती महिलाले सेवा लिएको स्वास्थ्य चौकीका प्रमुख टुकाराम पोख्रेलले बताए । उनले भने “डाक्टर राजेन्द्र पौडेल र वडा अध्यक्ष नोमराज पौडेलको पहलमा स्वास्थ्य संस्थाबाट गर्भवती महिलाहरुले सेवा पाएका छन । जसले गर्दा बिजुवार पुग्न परेन, गाउमै सहज भयो ।”

त्यस्तै शिविरमा पुगेका प्यूठान अस्पतालका डाक्टर आमिर काफ्लेले भिडियो एक्स–रे गराएका २१ जना गर्भवती आमा र पेटको बच्चाको अबस्था राम्रो रहेको बताएका छन् ।

प्रेसर र अन्य समस्याका कारण २ जना गर्भवती महिलालाई प्यूठान अस्पतालमा बोलाईएको छ । गाउँकै स्वास्थ्य संस्थाबाट सेवा लिन पाउँदा स्थानीय खुसी भएका छन् ।