प्रभु बैङ्क लिमिटेडको शाखा प्यूठानको प्यूठान नगरपालिका ४ जुम्रीमा पनि स्थापना भएको छ । शुक्रवार एक कार्यक्रमका बिच जिल्ला समन्वय समिति प्युठानका प्रमुख धरम बहादुर जी.सी ले शाखाको उद्घाटन गरेका हुन् ।

उद्घाटन कार्यक्रममा बोल्दै प्रमुख अतिथि जी.सिले बैङ्कमा आउने सेवाग्राहीहरूले सहज रूपमा सेवा लिन सक्नेमा आफू विश्वस्त रहेको बताए । साथै अन्य बैङ्कले भन्दा फरक खालको सेवा सुविधा दिन सके जनता प्रभावित हुने उनको भनाई थियो ।

प्रभु बैङ्क लिमिटेड लुम्बिनी प्रदेशका प्रमुख सुभाष कुँवरले नेपालमा “क” वर्गबाट प्राप्त हुने सबै सुविधाहरू प्रभु बैङ्कबाट पाउने बताएका छन् । देशभर प्रभुका प्युठान सहित ३ सय १५ शाखा रहेको प्रमुख कुँवरले जानकारी दिए । उनका अनुसार लुम्बिनी प्रदेशका १२ वटै जिल्लामा बैङ्कको शाखा स्थापना भइसकेको छ ।

प्युठान शाखाका शाखा प्रमुख तोयानाथ धितालले सरल, सहज तरिकाले जनतालाई सेवा दिने बताए ।