प्युठान जिल्लाभर गत आर्थिक वर्षमा  १८ हजार ५ सय ४ जनाले आँखा जाँच गराएका छन् ।

आर्थिक वर्ष २०८०/८१ मा आँखा उपचार केन्द्र प्रस्तावित नरेन्द्र गायत्री आँखा अस्पताल बिजुवार बाट १५ हजार २ सय ७२ जना , भिंग्री शाखाबाट २ हजार ६ सय ९१ जना , र गौमुखी शाखाबाट ५ सय ४१ जनाले आँखाको जाँच गराएको नरेन्द्र गायत्री आँखा अस्पताल बिजुवारका  कार्यालय प्रमुख लक्ष्मी मल्ल ठकुरीले बताइन ।

उनका अनुसार गत आर्थिक वर्षमा  ४ सय १६ जना आँखाका बिरामीको मोतिया विन्दुको शल्यक्रिया गरिएको छ । १२ सय ४२ जना विद्यार्थीलाई विद्यालयमै पुगेर आँखा चेक जाँच गरी २ सय जना विद्यार्थी लाई निःशुल्क चस्मा वितरण गरिएको ठकुरीले बताइन ।

आँखा अस्पतालले जिल्लाका विभिन्न ठाउँमा पुगी महिला स्वास्थ्य स्वयंसेवीका र शिक्षकहरूलाई आँखा सम्बन्धी तालिम दिएको छ । अस्पतालले हरेक वर्ष असार र साउन बाहेक प्रत्येक महिनामा शिविर सञ्चालन गर्दै आएको छ । अस्पतालले रक्तचाप मधुमेहका बिरामीको लागी डाइवेटिज रेटिनोप्याथी स्कृनिङ पनि सञ्चालन गर्दै आएको उनको भनाई छ ।

प्युठान जिल्लाको एक मात्र आँखा अस्पताल नरेन्द्र गायत्री आँखा अस्पतालले भिंग्री र गौमुखी गरी दुई वटा पालिकामा शाखा विस्तार गरी सेवा प्रदान गरेको छ ।

स्थानीय तहले देखाए ज्येष्ठ नागरिकलाई आँखा 

जिल्लाका ८ स्थानीय तहले ३ सय ४२ जना ज्येष्ठ नागरिकको नि:शुल्क अपरेसन गराएका छन् । स्थानीय तहले आफ्नो खर्चमा ज्येष्ठ नागरिकको मोतिया विन्दुको अपरेसन गराएको कार्यालय प्रमुख ठकुरीले बताइन ।

नरेन्द्र गायत्री आँखा अस्पतालले जिल्लाका स्थानीय तहसँग सम्झौता गरेर ज्येष्ठ नागरिकलाई निःशुल्क चेकजाँच र अपरेसनको सेवा प्रदान गर्दै आएको छ । जिल्लाका ८ स्थानीय तहले ३ सय ४२ जना ज्येष्ठ नागरिकको नि:शुल्क अपरेसन गराएका छन् । स्थानीय तहले आफ्नो खर्चमा ज्येष्ठ नागरिकको मोतिया विन्दुको अपरेसन गराएको कार्यालय प्रमुख ठकुरीले बताइन ।

गत आर्थिक वर्षमा मल्लरानि गाउँपालिकाका  ४४ जना,  ऐरावती  गाउँपालिकाका  ५० जना, स्वर्गद्वारी नगरपालिकाका १२ जना,  गौमुखी गाउँपालिकाका ४६ जना, प्युठान नगरपालिकाका  ८६ जना, नौवहिनी गाउँपालिकाका २९ जना, झिमरुक गाउँपालिकाका ६० जना र माण्डवी गाउँपालिकाका १५ जना ज्येष्ठ नागरिकको स्थानीय तहको खर्चमा निःशुल्क अपरेसन गरिएको अस्पतालले जनाएको छ ।

मल्लरानी गाउँपालिकाका कुल १ सय ७१ जना ऐरावती  गाउँपालिकाका १ सय १५ जना, प्युठान नगरपालिकाका  २४ सय ३३ जना नौवहिनी गाउँपालिकाको १ सय १७ जना झिमरुक गाउँपालिकाका ५ सय ३४ जना माण्डवी गाउँपालिकाका २ सय ५६ जना ज्येष्ठ नागरिकको आँखा परीक्षण  गरी औषधी तथा चस्मा वितरण भएको छ ।