२०८१ पौष २१नेकपा एमाले मल्लरानी गाउँ कमिटीको प्रथम बैठक मल्लरानी गाउँपालिका ४ मल्लरानी डाँडामा सम्पन्न भएको छ । दोस्रो अधिवेशनबाट निर्वाचित कमिटीको पहिलो बैठक अध्यक्ष नोमराज पौडेलको अध्यक्षतामा सम्पन्न भएको हो ।
बैठकले अधिवेशनको समीक्षा, जिम्मेवारी बाँडफाँड, सचिवालय गठन लगायतका निर्णय गरेको अध्यक्ष पौडेलले बताए ।
बैठकमा प्रमुख अतिथि नेकपा एमालेको लुम्बिनी प्रदेश कमिटी सदस्य तथा मल्लरानी गाउँपालिका इन्चार्ज दीपा घर्तीले पालिका तथा वडाका सम्पूर्ण नेता कार्यकर्ताहरूलाई जनताको बिचमा गएर उनीहरूको समस्या बुझी काम गर्न निर्देशित गरिन ।
एमाले पार्टीका जिल्ला सचिव इन्द्रमणि पोख्रेलले पार्टी सङ्गठनलाई बलियो बनाउन नयाँ र पुरानो भन्ने नहुने भन्दै पार्टीले कामको आधारमा मूल्याङ्कन गर्ने बताए।
बैठकमा एमाले नेताहरू ईश्वरा आचार्य, ईश्वर थापा मगर, पशुपति नारायण नकर्मी, सन्देश आचार्य, पोम बहादुर नेपाली , सीता बि क, सुनिल शाही लेकाली , किरण पन्थी, रामचन्द्र के सी लगायतको उपस्थिति रहेको थियो ।
बैठकमा अध्यक्ष पौडेलले एमालेलाई गाउँपालिकामा मल्लरानी जस्तै उचाइमा पुर्याउने प्रतिबद्धता व्यक्त गरे ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
