२०८१ फागुन २६स्वतन्त्र विद्यार्थी यूनियन(स्ववियू) निर्वाचन नजिकिएसंगै जिल्लाका क्याम्पसहरुमा विद्यार्थीको चहलपहल बढ्न थालेको छ । चुनाव नजिकिएसंगै क्याम्पसमा विद्यार्थी संगठनका नेताहरुको आउजाउ बाक्लिएको हो ।
त्रिभुवन विश्वविद्यालयले चैत्र ५ गतेका लागि स्ववियू निर्वाचनको मिति तोकेको छ । सोहिअनुसार देशभरका क्याम्पसहरुमा स्ववियू निर्वाचन हुदैछ ।
प्यूठानमा रहेका ५ वटै क्याम्पसहरुमा स्ववियू निर्वाचन हुँदैछ। स्वर्गद्वारी क्याम्पस पुण्यखोला, झिमरुक क्याम्पस बाग्दुला, प्यूठान क्याम्पस खलङ्गा, अमर क्याम्पस भिग्री, गौमुखी क्याम्पस मच्छिमा विद्यार्थी संगठनहरुले दल दर्ता गरिसकेका छन् । चुनावका लागि विद्यार्थी संगठनहरुले आ–आफ्नो तयारी गरिरहेका छन् । मंगलबार उम्मेद्वारको मनोनयन दर्ता गर्ने निर्वाचन तालिका छ ।
सहमतिमै नेतृत्व चयनका लागि संगठनहरुविच छलफल भएपनि अहिलेसम्म टुँगो नलागेको विद्यार्थी नेताहरु बताउँछन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
