झुलेनी नेटवर्क२०८२ साउन २७ गते
२०८२ साउन २७ गते राष्ट्रिय युवासंघ नेपाल प्यूठानले मृगौला पीडितलाई आर्थिक सहयोग गरेको छ । मंगलबार २६ औं अन्तर्राष्ट्रिय युवा दिवसको अवसरमा युवा संघ नेपाल प्यूठानले प्यूठान नगरपालिका – ८ रज्यानका रामे सुनारलाई २१ हजार रुपैयाँ आर्थिक सहयोग गरेको हो ।
दुवै मृगौला फेल भएका सुनार लामो समयदेखि दाङको राप्ती स्वास्थ्य विज्ञान प्रतिष्ठानमा डायलाइसिस गराउँदै आएका छन । आर्थिक अवस्था कमजोर भएका सुनारलाई उपचारमा सहयोग पुग्ने उद्देश्यले युवा संघ प्यूठानको टोली घरमै पुगेर बिरामीको भाउजुलाई रकम हस्तान्तरण गरेको राष्ट्रिय युवा संघ प्यूठानका अध्यक्ष महेश पाण्डेले जानकारी दिए ।
सहयोग हस्तान्तरण कार्यक्रममा प्यूठान नगरपालिका –८ का वडाध्यक्ष पदम बहादुर थापा, अनेरास्ववियु प्यूठानका इन्चार्ज टेकराज के.सी लगायतको उपस्थित रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
