![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2021/12/IMG_0323-600x400.jpg)
प्यूठान नगरपालिका–४, नं. वडा कार्यालयले शुक्रबार वडाभित्रका ज्येष्ठ नागरिकलाई सम्मान गरेको छ । वडाले वडाभित्रका अति बिपन्न, गरिब र अपाङ्ग परिवारका ८ जना ज्येष्ठ नागरिकलाई सम्मान गरेको हो ।
प्यूठान नगरपालिका ४ नं. निवासी इन्द्र बहादुर घर्ति मगर, किमति घर्ति मगर, खड्क बहादुर सुनार, जुठी देवि नेपालि, देविराम जैसि, नेमा कवंर, लछे सार्कि र नन्दराम सुवेदि सम्मानित भएका हुन् । सम्मानसँगै उनीहरूलाई ४ नं. वडा कार्यालयले पानी तताउने इलेक्ट्रिक भाँडो, ब्लाङ्केट, टर्च लाईत र बर्कि दिएको छ ।
वडाभित्रका अति धेरै गरिब र बिपन्न परिवारको खोजी गरेर सम्मान गरिएको वडाले जनाएको छ ।
नदोहोरिने गरि प्रत्येक वर्ष फरक र सामाजिक सुरक्षा भत्ता पाउने र नपाउने परिवारका ज्येष्ठ नागरिकलाई सम्मान गरिएको वडा अध्यक्ष लक्ष्मी प्रकाह राज भण्डारीले बताए । ‘यो सम्मानले अग्रज आमा बुबाकोे ख्याल गर्न र दीर्घजीवी बन्न परिवारका अन्य सदस्यलाई समेत प्रेरित गर्ने छ,’ उनले भने ।
लक्षित वर्गलाई आउने बजेत मध्यबाट ४० हजार बजेत यस कार्यक्रका लागि बिनियोजन गरेको अध्यक्षले बताए । वडाले निरन्तर यस्ता कार्यक्रमहरु गर्दै आएको र गत वर्ष पनि ८ जना ज्येष्ठ नागरिकलाई नै सम्मान गरिएको अध्यक्ष भण्डारीले जानकारी दिए ।
वडा अध्यक्ष लक्ष्मी प्रकाश राज भण्डारीले ब्यानर पढेर कार्यक्रमको उद्घाटन गरेका थिए । कार्यक्रममा ४ नं. वडा सदस्य रेशम कार्किको स्वागत मन्तव्य र वडा सचिव उषा भण्डारीको सञ्चालन रहेको थियो । अध्यक्षले सम्मानसँगै ज्येष्ठ नागरिकहरुलाई दीर्घायुको शुभकामना दिदै कार्यक्रमको समापन गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)