सरुमारानी गाउँपालिका ३ सजिकोटमा बिहिबार एक दिने निशुल्क पशु स्वास्थ्य घुम्ती शिविर सम्पन्न भएको छ । सो शिविरमा १ सय २६ पशुपंक्षीपालक कृषक लाभाम्वित भएका छन । शिविरमा ३ हजार २२ पशुपंक्षीको समस्या अनुसारको उपचार, १६ वटा कुकुरलाई रेविज विरुद्धको खोप र १२ वटा बोका र ३ वटा बहरको बन्ध्याकरण गरिएको पशु सेवा शाखा प्रमुख केशब गिरीले बताए ।
गाउँपालिकाको आ.व. २०७८/०७९को वार्षिक स्वीकृत कार्यक्रम अनुसार पशु स्वास्थ्य घुम्ती शिविर संचालन भएको हो
विशेष गरि पशु सेवा शाखाको पहुँचबाट टाढा रहेका पशुपंक्षीपालक कृषकहरुको पशुपंक्षीमा देखिने समस्याहरुको समाधान गरि उनीहरूको क्षेती न्यूनीकरण गरी उत्पादन वृद्धि गर्ने उदेश्यले शिविरको आयोजना गरिएको प्रमुख गिरीले बताउनु भयो । उक्त शिविरबाट पशुपंक्षीको आन्तरिक तथा बाह्य परिजिवी विरुद्ध औसधी वितरण, सम्पुर्ण रोग तथा समस्याहरुको उपचार, बन्ध्याकरण, कुकुरलाई रेबिज विरुद्ध खोप, बाझोपनको उपचार र पशुपंक्षीपालन सम्बन्धी परामर्श सेवाहरु दिदै आएको गिरीले बताए ।
उक्त शिविर सो वडाका वडाध्यक्ष भिम बहादुर मर्साङ्गीको अध्यक्षतामा सम्पन्न भएको हो ।