प्युठानको स्वगद्वारी मन्दिर दर्शन गरेर फर्किएका दुई भारतीय नागरिक पहिरोमा परी बेपत्ता भएका छन् । लु २ ख २७१६ नम्बरको फोर्स गाडिबाट घर फर्किँदै गरेका दुई भारतीय नागरिक कपिलवस्तुको शिवराज नगरपालिका–१ मा पर्ने धानखोलामा पहिरोमा परी बेपत्ता भएका हुन ।

बेपत्ता हुनेमा भारतको सिद्धार्थनगर जिल्ला बस्ने वर्ष १७ का निखिल कौशाल, वर्ष १८ सुरज सोनी रहेको प्रहरीले जनाएको छ ।पूर्वपश्चिम राजमार्गअन्तर्गत  खोला तर्ने क्रममा अचानक आएको पहिरोले बगाएको प्रहरी कार्यालय चन्द्रौटाले जानकारी दिएको छ। हराएको भारतीय नागरिकको खोजीकार्य जारी रहेको छ ।