नेपाल कम्युनिस्ट पार्टी प्यूठानको तेस्रो पुर्ण बैठक महत्त्वपूर्ण निर्णय गर्दै आज सम्पन्न भएको छ ।
आइतवार सम्पन्न बैठकले भाद्र २४ गते पाँचौ जिल्ला सम्मेलन भव्यतापुर्वक सम्पन्न गर्न राजनैतिक, सांगठनिक, आर्थिक रुपमा व्यापक तयारी गर्ने निर्णय गरेको छ ।

भाद्र २४ गते दलाल पुँजीवादी राज्य व्यवस्था विरुद्ध एकीकृत जनक्रान्तिको आन्दोलन ! शुदृढ संगठन र गतिशिल विचारको पक्षमा पाँचौं जिल्ला सम्मेलन !! भन्ने मुल नाराका साथ , जिल्ला सम्मेलन सफल पार्नका लागि विभिन्न उपसमितिहरु समेत निर्माण गरेको छ जसमा व्यवस्थापन समिति संयोजक गिरु प्रसाद भुसाल ( परिवर्तन ), प्रचारप्रसार तथा झण्डा व्यानर , व्याज निर्माण उपसमिति संयोजक राजेन्द्र रावत क्षेत्री, अतिथि स्वागत सत्कार उपसमिति संयोजक प्रकाश सुवेदी , पत्राचार उपसमिति संयोजक बिरवल के. सी. लाई चयन गरेको छ । त्यस्तै आगामी असोज १ देखि काठमाडौंमा हुने नवौं राष्ट्रिय महाधिवेशन केन्द्रीत विभिन्न अभियान सन्चालन गर्ने निर्णय गरेको छ ।

तेस्रो पुर्ण बैठकमा नेकपाका केन्द्रीय सदस्य तथा प्यूठान जिल्ला इन्चार्ज दल बहादुर के. सी. ( जागृति ) ले आगामी भाद्र २४ गतेको पाँचौ जिल्ला सम्मेलन र पार्टीको नवौं राष्ट्रिय महाधिवेशन भव्यताका साथ सफल पार्न सिंगो पार्टी आ– आफ्नो क्षेत्रबाट व्यापक रुपमा जनतामा जान जिल्ला समिति सदस्यहरु लाई निर्देशन दिए ।
नेपालमा दलाल संसदिय व्यवस्था असफल भइसकेकोले वैज्ञानिक समाजवादी व्यवस्था स्थापनाको लागि एकीकृत जनक्रान्तिको विचार र कार्यदिशालाई जनताको माझमा व्यापक अन्तरक्रिया सहित स्थापित गर्न पनि उनले अनुरोध गरे ।

जिल्ला सदस्यहरुद्वारा आलोचना , आत्मालोचना र रिपोर्टिङ सहित जिल्ला सेक्रेटरी केशबको अध्यक्षतामा सम्पन्न बैठकमा जिल्ला पार्टीका निवर्तमान सेक्रेटरी तथा विशेष कमिटी सदस्य गत वैशाख ३० को स्थानीय निर्वाचन बाट निर्वाचित माण्डवी गाउँपालिका वडा नं. ४ उदयपुरकोट का वडा अध्यक्ष डिल बहादुर घर्ती मगर ( अजय) , जनयुद्धका सहिद परिवार तथा जिल्ला पार्टीका सल्लाहकार मोहन गिरि लगायतले प्रशिक्षण दिएका थिए ।