२०७९ पाैषा ०६ गते, प्यूठानयो सिजनमा बिजुवारको मित्रमणि चोकमा सधैजसो ६/७ जना महिलाहरुले सुन्तला र कमला बिक्रि गर्दै गरेको अवस्थामा भेटिन्छन् । गाउँको सुन्ताला बजार झारेर बिक्री गरेर उनीहरुले परिवार पाल्दै आएका छन् ।
घर गुजारा चलेको छ । प्यूठान नगरपालिका १० छेपानेका बसन्ता गुरुङ्ग उमेरले अहिले २१ भइन । उनका ३ परिवार छन, श्रीमान कामको सिलशिलामा बाहिर छन् । सिजनको समयमा उनि कमला लिएर प्राय जसो प्यूठान नगरपालिका ४ मित्रमणिचोकमा आउँछन् । अनि दैनिक जसो लगभग सबै सुन्तलाहरु बिक्रि गरेर साँझ घर फर्कन्छन् । तर कहिलेकाही भने सबैजसो कमला बिक्रि नहुँदा घर पनि फर्काएर लैजानु पर्ने बाध्यता हुन्छ । बिहान देखी साँझसम्मको कमाई कसोकसो १२/१५ सय हुन्छ । त्यही गर्दै उनि एक सिजनमा झन्डै ६०/६५ हजारको आम्दानी गर्दछिन । बसन्ता कमला बेच्न थालेको बल्ल २ बर्ष जति भयो ।
उनको बगैचामा सानाठूला गरेर झन्डै १ सय ५० कमलाका बोट छन् । सुन्तला जस्तो कमला धेरै बिक्रि नहुँने उनको अनुभव छ । त्यस्तै झिमरुक गाउँपालिका ५ चुधाराका इन्दिरा गुरुङ्ग पनि त्यस्तै व्यवसाय गर्दै आएकी छन् । उमेरले ३५ बर्ष पुगेकी इन्दिराले भने सुन्तला बेच्दा दैनिक सबै बिक्रि भए ७/८ हजार सम्म कमाइ हुने बताइन् । उनी ७/८ बर्षदेखी मित्रमणि चोकमा बिक्रि गर्दै आइरहेको सुनाइन । एक सिजनको समयमा उनि दुई लाख ५० हजार देखी तीन लाख सम्म कमाइ गर्दछिन ।
