१५ पुष २०७९घिमिरे बन्धु कुल प्रतिष्ठान होल्दे घिमिरे जेष्ठ नागरिकलाई सम्मान कार्यक्रम सञ्चालन सुरु गरेको छ । इश्वरी प्रसाद घिमिरेको नेतृत्वमा रहेको यो समुहले बिशेष गरि आफ्ना भाइबन्धुहरुको लगत संकलन गर्नको लागि यो कार्यलाई अगाडी बढाईएको समुहका सदस्य याम बहादुर घिमिरेले जानकारी दिए । दोस्रो चरणको यो अभियान अगामी दिनमा निरन्तर रुपमा अगाडी बढ्ने बताए । यसलाई भोलिका दिनमा संस्थागत तरिकाले अगाडी बढाउने र व्यवसायिक रुपमा पनि लैजाने भन्दै यसका लागि बिशेष भुमिका खेल्न समेत सदस्यहरुलाई आग्रह गरेका छन् । जेष्ठ नागरिकलाई सम्मान मात्र नभई पछिका पुस्तालाई यसको महत्व बुझाउन र नयाँ पुस्तालाई सहजताका लागि पनि नितान्त यो काम आवश्यक रहेको सदस्यहरुले बताएका छन् ।
आज प्यूठान नगरपालिका ४ टिकुरीका ८३ बर्षिय भोजराज घिमिरे, प्यूठान नगरपालिका ८ दम्तिका बर्ष ९३ का तुलसा घिमिरे र बर्ष ७९का जयन्ति देबी घिमिेरलाई सम्मान गरिएको छ । त्यस्तै भोलि फोप्ली र माण्डवी गाउँपालिका १ तिराममा यो कार्यक्रम रहने बताइएको छ । साथै यो संस्थाको लागि चाँडै नै समाज कल्याण परिसदमा सिफारिस गर्ने समेत बताइएको छ ।
