मल्लरानी गाउँपालिका अध्यक्ष कृष्ण बहादुर खड्काले महेन्द्र मा.बि खलगां बिगतका दिनमा एउटा नमुना स्कुल भएको र फेरी पनि त्यसलाई नमुना बिद्यालय बनाउन आग्रह गरेका छन् । महेन्द्र मा.बि खलगांको चमेना गृहको उदघाटन गर्दै उनले यस्तो बताए । उनले आवश्यक परेको खण्डमा गाउँपालिका सधै सहयोमा तत्पर रहेको समेत बताएका छन् ।

बिद्यालय व्यवस्थापन समिति अध्यक्ष तथा मल्लरानी गाउँपालिका ४ का अध्यक्ष समेत रहेका कुमार श्रेष्ठले अध्ययन गर्नको लागि टाढाबाट आउने बिद्यार्थीहरुलाई खाजा र नास्ता कम मुल्यमा उपलब्ध गराउनको लागि चमेना गृह खोलिएको बताएका हुन् । त्यस्तै बिद्यालयका प्रधानाध्यापक पिताम्बर पौडेलले चमेना गृहको बारेमा आवश्यकता रहेको बताए । घरदेखी घण्टौ लगाएर बिद्यालय पढ्न आउने, अतिरिक्त कक्षा पढ्दा खाना खाने समय अभावका कारण बिद्यार्थीका लागि सहज होस भन्ने उद्देश्यले गृह खोलिएको बताका हुन् । बिद्यालयका कर्मचार तथा बिद्यार्थीहरु स्कुल बाहिर गएर बढि मात्रमा पैसा फजुल खर्च र महगों मुल्यमा नास्ताहरु खानुपर्ने बाध्यता रहेको हुँदा त्यसलाई मध्यनजर गर्दै चमेना गृह खुलाएको समते उनले बताउनुभयो । अब देखी बाहिर जान नपर्ने र सर्बसुलभ मुल्यमा आफ्नै गृहमा जङ्गफुडरहित खाना नास्ताको व्यवस्था रहेको छ ।