२३ पुष २०७९लुम्बिनी प्रदेश खेलकुद बिकास समितिका सदस्य हरिस वलिले त्रिदिवशीय संगितमय पि.टी कार्यक्रमले बिद्यालयको सबै क्षेत्रको सुधारमा सहयोग पुग्ने बताएका छन् । स्वर्गद्धारी नगरपालिकाले आयोजना गरेको विद्यालय खेलकुद शिक्षक तथा बिद्यार्थीहरुका लागि त्रिदिवशीय संगितमय पि.टी कार्यक्रममा उनले यस्तो बताएका हुन् । उनले भने, तपाईहरु पनि यो तालिम पश्चात म जस्तै प्रशिक्षक बन्न सक्नुहुने छ । उनी नेपाल कै नमुना कालिका मा.वि बुटवलका शिक्षक समेत हुन् ।
यो कार्यक्रमले बिद्यालयको शैक्षिक गुणस्तर वृद्धि गर्दै शिक्षक र बिद्यार्थी लाई अनुशासित बनाउनमा सहयोग पुग्ने सामाजिक बिकास समितिका संयोजक एवं वडा नं ५ सारी का अध्यक्ष गिर बहादुर घर्ती मगरले बताए । संगितको माध्यमबाट पिटि गरि प्राथना गराउदा बिद्यार्थीहरुलाई अध्ययनमा रुचि बढाउने र दिमागलाइ स्वस्थ्य बनाई तन्दुरुस्त राख्न मद्दत पुग्ने अध्यक्ष घर्तिले बताएका छन् ।
सामाजिक बिकास समितिको प्रश्तावमा नगरसभा बाट स्वीकृत भई स्वर्गद्वारी नगरपालिका शिक्षा युवा तथा खेलकुद शाखाको आयोजनामा स्वर्गद्वारी नगरपालिका भित्र रहेका सामुदायिक विद्यालय मा.वि र आधारभूत तह तथा निजि संस्थागत बिद्यालयका खेलकुद शिक्षक र बिद्यार्थीहरुलाई तीन दिने संगीतमय पि.टी कार्यक्रम आज स्वर्गद्धारी नगरपालिका ३ जलुकेमा उद्घाटन भएको छ । यो कार्यक्रम आउँदो सोमबार २५ गते सम्म हुने छ ।
कार्यक्रमको अध्यक्षता शिक्षा शाखा प्रमुख प्रेम जिसि को अध्यक्षता, सामाजिक बिकास समितिका संयोजक एवं वडा नं ५ सारी का अध्यक्ष गिर बहादुर घर्ती मगरको प्रमुख आतिथ्यता र स्वागत मन्तव्य नगर शिक्षा समितिका सदस्य वसन्त खड्काले गरेका थिए । कार्यक्रम संचालन ओविराम भण्डारीले गरेका हुन् भने प्रमुख प्रशिक्षक लुम्बिनी प्रदेश खेलकुद बिकास समितिका सदस्य हरिस वलि रहेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
