गरिबि निवारणको लागि लघु उद्यम बिकास कार्यक्रम अन्तरगत रहेर तालिम सञ्चालन गर्दै स्वरोजगार तथा उद्यमशिलता बनाउने उदेश्यले तालिम सञ्चालन गरिएको नौबहिनी गाउँपालिका प्रमुख प्रशासकिय अधिकृत शिवराज पौडेलले बताए । नौबहिनी गाउँपालिकाको आयोजना तथा उद्योग वन, वातावरण तथा पर्यटन मन्त्रालय लुम्बिनी प्रदेश सरकारको शसर्तअनुदानमा पुष १६ गते देखी २४ गते सम्म सञ्चालन भएको कार्यक्रममा उनले यस्तो बताएका हुन् । कार्यक्रममा सहभागि भएकाहरुलाई व्यवसायी कसरी बनाउने र स्वरोजगार बनाइ आत्मनिर्भर बनाउने मुख्य उदेश्य सहित कार्यक्रम गरिएको अधिकृत पौडेलले बताए । एक हप्ते तालिम २४ गते नौबहिनी गाउँपालिका ४ खवाङमा सम्पन्न भएको छ । तालिममा ४० जना सहभागिहरुले विभिन्न ४ विधामा रहेर तालिम सिकेका थिए । कार्यक्रमबाट सिकेका कुराहरु व्यवहारमा लागु गर्दे जाने भन्दै सहभागिहरु खुसी भएका छन् ।

स्थानीय स्रोत साधनको प्रयोग गरि सदुपयोग गरौ, सीप सिकौ आम्दानीमा वृद्धि गरौ भन्ने नारालाई अगाडी सार्दै उक्त कार्यक्रम गरिएको हो । कार्यक्रममा सिलाईकटाई, डल बनाउने, बुट्टी बनाउने र सुटर बुन्ने लगायतका सिप सिकाइएको छ । आर्थिक बर्ष २०७९।०८० को लागि यस बर्ष नौबहिनी गाउँपालिका ३ र ४ मा सञ्चालन गरिएको छ भने ३ नं वडामा यो कार्यक्रमको लागि तयारी भएको समेत अधिकृत पौडेलले बताए ।