प्यूठानको सबैभन्दा जेठो विद्यालय मुक्ति माध्यामिक विद्यालय रातामाटामा कुलप्रसाद÷ पार्वता भण्डारी स्मृति प्रतिष्ठान पुरस्कार अक्षयकोष स्थापना भएको १२ बर्ष भएको छ । प्यूठान नगरपालिका ४ टारीमा जन्मनु भएका प्रोफेसर डा. भेषराज भण्डारीले २०६७ साल देखी आफ्नो बुवा–आमाको सम्झनामा अक्षयकोष स्थापना गरेका थिए ।यो अक्षयकोषबाट विद्यालयमा जेहेन्दार विद्यार्थीलाइ पुरस्कार प्रदान गरिदै आइएको छ ।
हाल अष्ट्रेलियामा बस्दै आएका भण्डारीले आफूले अध्यान गरेको विद्यालयमा अक्षयकोष बनाएका हुन् । विगतका दिनमा ११ र १२ मा प्रथम हुने छात्र तथा छात्रा बिद्यार्थीहरुलाई १० हजार पुरस्कार दिदै आइएको थियो । सुरुमा २ लाख ५० हजारको अक्षयकोष सञ्चालन गरेका भण्डारीले पुनःएक लाख रुपैया थप गरि तीन लाख ५० हजारको अक्षयकोष बनाएका छन् । यो सगै पुरस्कारको राशी पनि बढ्ने छ । अक्षयकोष स्थापना गरेको भन्दै मुक्ति मा.वि रातामाटाले उनलाई दोसल्ला ओढाएर सम्मान समेत गरेको छ ।

रातामाटा विद्यालयमा यस्ता धेरै पुरस्कारहरु अक्षयकोष मार्फत सञ्चालनमा रहेका छन् । आफूलाई उज्यालो भविष्य देखाउने विद्यालयको सम्झनामा हाल विभिन्न पेशा व्यवसाय सञ्चालन गरेकाहरुले विद्यालयको गरेको योगदानको सम्मान गर्दै विद्यालयका विभिन्न नाममा अक्षयकोष स्थापा गरेका छन् । यस्ता खालको सामाजिक अभियानको सीको जिल्लाको सबै क्षेत्रमा गर्न सक्ने हो भने हाम्रा दूर दराजका विद्यालयहरुको पनि केहि प्रगति हुनसक्थ्यो ।