नौबहिनी गाउँपालिका ३ काइयामा रहेका ने.रा.प्रावि स्कुलको विद्यालय व्यवस्थापन समितिको बैठक सोमबार भएको छ । सोमबारको बैठकले नयाँ कार्यसमिति समेत चयन गरेको ने.रा प्रा.वि का प्रधानाध्यापक जुक्मा पुन मगरले जानकारी दिए । शेर बहादुर पुन मगरको अध्यक्षतामा सुरु भएको कार्यक्रममा क्वारी परियारको नेतृत्वमा नयाँ कार्य समिति गठन भएको छ । क्वारी परियारको नेतृत्वमा नयाँ कार्य समिति चयन भएको प्रअ पुनले बताए । २ कार्यकाल अर्थात ६ बर्ष सम्मको आफ्नो अनुभव सुनाउदै पुनले विद्यालयको लागि स्थानीयले सोचेअनुसारको काम गर्न नयाँ कार्यसमितिलाई आग्रह गरेका छन् । साथै उनले आफ्नो कार्यकालमा अधुरा र अपुरा भएका कामहरु अव नयाँ कार्यसमितिले पुरा गर्न समेत अनुरोध गर्दै समितिलाई आफुबाट चाहिएको सहयोगमा आफु सहयोग गर्न पछि नपर्ने बताएका हुन् । हाल नयाँ कार्यसमिति अध्यक्ष परियारले अघिल्ला कार्यकालमा अधुरा भएका कामहरुलाई पुरा गर्नको लागि निरन्तर लागि पर्ने प्रतिवद्धता व्यक्त गरे ।