जिल्लाको स्वर्गद्धारी नगरपालिका वडा नं.५ सारीको वडा कार्यालय सहित विभिन्न स्थानमा तोडफोड तथा चोरी भएको छ । वडा कार्यालय, विद्यालय र स्वास्थ्य चौकी सहित ११ घरमा चोरी भएको स्वर्गद्धारी नगरपालिका वडा नं. ५ का वडा अध्यक्ष गिर बहादुर घर्तिमगरले जानकारी दिए ।

चोरले वडा नं. ५ को वडा कार्यालय तोडफोड गरी नगद ५ हजार, सारीका विभिन्न घरबाट नगद १ लाख सहित ४ तोला सुन चोरेको वडा अध्यक्ष गिर घर्तिमगरको बताएका छन् ।

आवाश्यक अनुसन्धानको लागि जिल्ला प्रहरी कार्यालय प्यूठानको टोलीलाई बोलाएको अध्यक्षले बताए । उनले स्थानियवासीलाई अनुसन्धानमा खटिएका प्रहरीलाई सहयोग गर्न र सुरक्षित रहन समेत आग्रह गरेका छन् ।