वेलबासमा ट्याङकी बनाएको एक वर्ष नपुग्दै फुटेको छ । स्वर्गद्धारी नगरपालिकाको एक घर, एक धारा कार्यक्रम योजना अन्तर्गत करिब २ लाख ७० हजार लागतमा गत असारमा १० घरमिटरको ट्याङकी निमार्ण गरिएको थियो । ट्याङकी निमार्ण गरिएको एक वर्ष पुग्न लागे पनि ४२ घर रहेको बेलवास गाउँका स्थानियले उक्त ट्याङकीको पानी खान पाएका छैनन् । तर प्रत्येक घरमा पाईपिङ मार्फत मुलको पानी भने प्रयोग गर्दै आइरहेका छन् ।
राज्यको एक घर एक धारा खानेपानी कार्यक्रम योजना अनुसार ट्याङकी निमार्ण गरिसकेपछि स्थानियवासीले दिर्घकालमा ट्याङकी मर्मत कार्यको लागि धरौटी जम्मा गरी घरघरमा धारा वनाउनुपर्ने हुन्छ । तर त्यस तर्फ स्थानियले चासो नदेखाएको खानेपानी उपभोक्ता समितीका अध्यक्ष सालिकराम पार्धेको भनाई छ । ट्याङकी मर्मतको कार्य भईरहेको उनले बताए ।