माण्डवि गाउँपालिका प्युठानले विहिबार आधारभुत विद्यालय र माध्यमिक तहका गणित विषयमा अध्यापन गराउने शिक्षकहरु सङग अन्तरक्रिया कार्यक्रम गरेको छ । कार्यक्रममा गाउँ पालिका अध्यक्ष नमराज अधिकारी (रोषनले शिक्षामा लगानी अनुसार प्रतिफल निकाल्नु पर्ने बताएका छन् । साथै उनले सम्बन्धित विषयका शिक्षकहरुले आफ्नो विषयमा अत्याधिक सख्यामा विद्यार्थी सफलत गराउन त्यही अनुसारको अध्यापन गराउन आग्रह गरे । उनले बर्तमान शिक्षा प्रणालिमा आमूल परिवर्तन गरि शिक्षामा गरेको लगानी अनुसार प्रतिफल निकाल्न उपस्थित शिक्षकहरुलाई निर्देशन दिए । अन्तरक्रिया कार्यक्रममा उपाध्यक्ष पुर्ण प्रसाद कालाथोकीले शिक्षा क्षेत्रलाई सुधार्नको लागि शिक्षक, बिद्यार्थी र अभिवावक सबै जिम्मेवार हुन पर्ने बताएका थिए । यस्तै निमित्त प्रशासकीय प्रमुख बलराम पौडेलले उपस्थित शिक्षकलाइ शैक्षिक उपलब्धि हासिल गर्नु पर्ने र विद्यार्थीको भबिस्यप्रती गम्भीर हुनुपर्ने बताएका हुन् ।