झिमरुक गाउँपालिका वडा नं. ६ अन्तर्गत मजुवा दहखोला देखी नेटा हुँदै मर्काबाङ गोयलछेडी सडकखण्ड अन्तर्गतको सडक बिस्तार कार्य बुधबार देखी सुरु भएको छ । साघुरो बाटो त्यसमाथि जोखिम पूर्ण भएकाले सो क्षेत्रमा बाटो फराकिलो बनाउन लागिएको झिमरुक गाउँपालिका वडा नं ६ का वडा अध्यक्ष धन बहादुर पुनले जानकारी दिए । ०४ गते देखि सुरु भएको कार्य १० गतेसम्म बस हिड्नमा पूर्णरुपमा रोक लगाएको छ ।
जिप हिड्नको लागि भने शुक्रबार सम्म बाटो खुल्ने वडा अध्यक्ष पुनले बताए । मजुवा दहखोलादेखी नेटा हुँदै मर्काबाङ गोयलछेडी सडकखण्ड अन्तरगत करिब २०० मिटर को बाटोमा अहिले ग्याबिन जाली र होमपाइप नाली राख्ने काम भइरहको अध्यक्ष पुनले बताएका छन् ।