०५ माघ २०७९जिल्लाको सबैभन्दा पुरानो बस पार्कको रुपमा रहेको जुर्मी वसपार्क व्यवस्थित बनाउन थालिएको छ । बसपार्कमा काउन्टर निमार्ण भएपनि धेरै समयसम्म संचालनमा नआएपछि स्थानीय व्यवसायीहरुको पटकपटकको विरोध तथा आन्दोलनले केही महिना अघिदेखी संचालनमा आएको थियो । बसपार्क संचालनमा आएसँगै पूर्णरुपमा व्यवस्थित बनाउने भन्दै बसपार्क परिसरमा सडक ढलान कार्य सुरु भएको छ ।
प्यूठान नगरपालिका वडा नं.३ का वडा अध्यक्ष सुमन राज श्रेष्ठका अनुसार स्थानीयवासी र बसपार्क व्यवस्थापन समितीको मागलाई मध्यनजर गर्दै वडा नं.३को कार्यालयले प्रदेश सरकार समक्ष बजेट माग गरेको थियो ।वडा कार्यालयको मागलाई सम्बोधन गर्दै प्रदेश सरकारको सघन तथा सहरी बिकास मन्त्रालयले दुइ पटक गरि करिब २४ लाख बजेट विनियोजन गरेको अध्यक्ष श्रेष्ठले जानकारी दिए । उक्त बजेट मार्फत बसपार्क ढलानकार्य तिव्र गतिमा भईरहेको छ ।
